KRALENDIJK – Sentro Akseso ta bai den bario tur promé siman di luna, koleganan di Sentro Akseso ta den bario.
Esaki ku e meta pa hasi servisionan mas aksesibel pa tur hende, Sentro Akseso a lansa un inisiativa nobo bou di nòmber “Lokèt Aksesibel den Bario.” E inisiativa aki tin komo propósito pa yega mas serka di komunidat, spesialmente esnan ku tin limitashon di mobilidat of ku no ta logra bishitá e ofisina sentral fasilmente.
Tur promé siman di luna, un tim di Sentro Akseso lo ta presente den un otro bario pa brinda guia, informashon i sosten na residente nan. E servisionan aki ta destiná pa yuda hende ku pregunta òf nesesidatnan relashoná ku asistensia sosial, orientashon i otro tipo di apoyo.
Pa luna di yüli,“Lokèt Aksesibel” lo bishita e siguiente barionan: Nikiboko (Sentro di Bario), Rincon (Cocari), Antriol (Avanti), Amboina (Sentro di Bario), Tera Kòrá (Sentro di Bario)
Por tira un bista riba e skema ofisial pa mira e fecha i orario spesífiko ku e lokèt lo ta presente den kada bario.
Ku e proyekto aki, Sentro Akseso ta sigui traha pa baha barrera nan i hasi ku mas hende por haña e sosten ku nan mester, mas serka di kas.
Sentro Akseso ta invitá un i tur pa pasa serka nos na e “Lokèt Aksesibel” ora ku e ta den bo bario. Si bo tin pregunta, mester di konseho, òf simplemente ta deseá informashon, no duda pa bishitá nos.
Pa mas informashon, sigui nos kanalan ofisial òf pasa na nos lokèt den bario.