DEN HAAG – Reinier van Zutphen ta bandoná su funshon komo Defensor Nashonal di Pueblo entrante 1 di aprel 2027. Ku ekspirashon di su di dos periodo ta yega un fin na un periodo di djesdos aña kaminda el a komprometé su mes pa siudadanonan ku tabatin problema ku gobièrnu. Tweede Kamer ta kuminsá pronto e prosedura pa nombra un susesor.
Van Zutphen, ku for di 1 di aprel 2015 ta Defensor Nashonal di Pueblo, ta bisa ku e lo por a sigui ku e funshon pa algun aña mas ku e mésun energia. Na mes momento e ta bisa ku fin di su di dos periodo ta un momento lógiko pa Tweede Kamer pa nombra un defensor di pueblo nobo.
E aktual defensor di pueblo ta wak bèk ku satisfakshon riba su trabou. E ta bisa ku e añanan tras di lomba el a hiba miles di kòmbersashon ku siudadano- i veteranonan, entre otro na mesanan di kushina, den sentronan di bario i na lugánan públiko. “Einan e trabou di Defensor di pueblo ta kuminsá,” e ta bisa. “No ta bai pa ami, pero pa e hendenan pa ken nos ta hasié.”
Te na final di su periodo Van Zutphen ta keda hasi su esfuerso pa siudadanonan ku tin problema ku gobièrnu. E ta boga pa un gobièrnu ku no ta warda problemanan presentá, pero ku ta aserká personanan na tempu promé ku nan haña nan den problema.
Van Zutphen a kuminsá ku su di dos periodo komo Defensor Nashonal di Pueblo na 2021. Esei ta yega na su fin 1 di aprel 2027. Tweede Kamer lo kuminsá ku e prosedura pa nombra un Defensor Nashonal di Pueblo nobo e periodo benidero.