Rotary Club Bonaire ta kuminsá aña rotario ku apoyo na dos inishativa sosial

KRALENDIJK - Na henter mundu, Rotary Clubnan ta kuminsá nan aña rotario riba 1 di yüli. Rotary Club Bonaire a kuminsá e promé dia di e aña ku sosten na dos inishativa sosial importante. Representantenan di Fundashon Ambulance Wens Bonaire i Fundashon Wolf Pack Baseball a bishitá e reunion di almuerso pa risibí chèknan simbóliko.

Fundashon Ambulance Wens Bonaire ta realisá, for di 2024, deseonan di personanan ku mobilidat limitá òf ku ta den un fase terminal di bida. E fundashon ta hasi esaki sin kosto pa e benefisiarionan.

Fundashon Wolf Pack Baseball a wordu fundá seis aña pasa pa tres beisbolista ku tur tabatin yunan di mesun edat. Nan meta tabata pa duna muchanan na Boneiru e oportunidat pa desaroyá nan talento den e deporte aki. Awor, seis mucha a logra ser admití na skolnan sekundario (high schools) na Merka. Na 2026, e promé torneo internashonal ku e fundashon a partisipá aden a bira mesora un gran èksito pa e muchanan.

E donashonan aki a bira posibel danki na e fondonan rekaudá durante e Feria Rotaria 2026.