KRALENDIJK – Entrante aña eskolar 2025/2026 dunadónan di trabou na Boneiru por hasi pa promé biaha petishon di supsidio pa guia un alumno òf studiante na boka di trabou. E periodo pa hasi petishon ta kore di 1 te ku 17 di sèptèmber.
Ku e Areglo di Supsidio pa enseñansa práktiko dunadónan di trabou ta haña un kompensashon pa gastunan di guia den formashon práktiko di fishi. Ta trata di sitionan pa trahadó- òf studiantenan di un estudio BBL (Beroepsbegeleidende Leerweg: un direkshon mbo kaminda e alumno ta traha kuater dia i ta bai skol un dia), alumnonan den un trayekto di siñansa vmbo i stazjèrnan den e último aña di nan enseñansa práktiko. Meta ta ku mas hende ta haña eksperensiá den práktika i ta drenta merkado laboral mihó prepará.
Pa bini na remarke ROA mester rekonosé e formashon akreditá, mester tin un sitio pa enseñansa práktiko òf stazje, i e studiante òf alumno mester ta inskribí na un institushon di mbo, vmbo òf di enseñansa práktiko.
Ta paga e supsidio despues i por hasi petishon na e lokèt di Rijksdienst voor Ondernemend Nederland (RVO) na Kralendijk. Di 1 te ku 17 di sèptember RVO ta presente na e siguiente momentunan:
Por haña mas informashon i kondishon na rvo.nl/praktijkleren/CN.
RVO ta ehekutá e aregelo na nòmber di ministerio di Enseñansa, Kultura i Siensia. E ministerio ei a disidí ku e areglo lo ta disponibel tambe na Sint-Eustatius i Saba entrante aña eskolar 2026/2027.