DEN HAAG – Apesar di e problemanan atministrativo persistente na Boneiru, sekretario di estado Eric van der Burg no ta mira motibu pa un intervenshon atministrativo for di Den Haag. Esei un bosero di e sekretario di estado ta laga sa relashoná ku preguntanan di redakshon di Bonaire.nu. Segun e ministerio no por papia di deskuido di tarea, e base hurídiko riba kua Hulanda a asumí atministrashon di Sint-Eustatius na 2018.
E reakshon ei ta lanta pregunta, awor ku Boneiru tin añanan ta enfrentando dosiénan ku no ta realisá. Proyektonan infrastruktural grandi ku no ta realisá òf ku ta enfrentá retraso, ta otorgá pèrmitnan (di konstrukshon) segun empresario- i habitantenan tiki tiki, dosiénan finansiero ta motibu pa diskushon ku regularidat i promesanan pa un sistema di transporte públiko no a kristalisá ainda. Tambe e problema di residuo ta keda un dosié di doló di kabes. E kuskus na Boneiru tin problema tur luna i habitantenan ta preukupá pa konsekuensianan pa salubridat públiko.
Instabilidat gubernamental
Riba esei ta bini aserka un instabilidat gubernamental kresiente. Representantenan skohé ta bandoná nan frakshon, kolegionan ehekutivo ta hopi biaha aktivo pa korto tempu i ta parse ku koalishonnan ta vulnerabel. E retiro resien di diputado Joselito Statia a hasi e inkietut mas grandi. Na mes momento partidonan di koalishon MPB i UPB tin basta tempu konfrontashon ku otro, mientras partner di koalishon Fraktie Serberie no ta visibel pa habitantenan i pa prensa. Pa e motibu ei e relashonan polítiko ta konstantemente bou di preshon i ta parse mas i mas difísil pa realisá un kolegio ehekutivo stabil.
Segun krítikonan finalmente ta e siudadano Boneriano ta sinti e konsekuensianan di esaki. Tumamentu di desishon tin retraso, proyektonan ta keda drumi i konfiansa den gobièrnu ta bou di preshon.
Komparashon ku Sint-Eustatius
E situashon ta pone bo kòrda Sint-Eustatius, kaminda na 2018 sí Hulanda a disidí di intervení. E tempu ei e Komishon di Sabionan a konkluí ku por a papia di deskuido grave di tarea. Segun e komishon no a koperá polítikamente, a neglishá lei- i palabrashonnan i maneho finansiero tabata seriamente defisiente. A base di esei Eerste i Tweede Kamer a asumí e Lei temporal deskuido di tarea Sint-Eustatius, ku kua a kita e funshon for di gobièrnu lokal i un komisario di gobièrnu a asumí e atministrashon temporalmente.
Despues di e intervenshon a traha na rekuperashon di demokrasia via un modelo di fase, kaminda stap pa stap a duna kompetensianan bèk pareu ku a kumpli ku kriterianan ku a stipulá delantá.
"No tin deskuido di tarea"
E bosero di sekretario di estado Van der Burg ta enfatisá sinembargo ku e situashon na Boneiru no ta kumpli ku e kriteria legal pa un intervenshon similar.
"No ta trata di deskuido di tarea,” e reakshon di ministerio ta bisa.
Ku esaki Den Haag ta rekonosé e problemanan gubernamental sí na Boneiru, pero no di tal índole ku Reino mester intervení.
Sinembargo e pregunta ta keda ki ora sí problemanan gubernamental ta surpasá e límite di deskuido di tarea. Sigur awor ku na Boneiru dosiénan ta keda drumi añanan largu, instabilidat polítiko ta pèrsistí i habitantenan ta eksperensiá e konsekuensianan di esaki diariamente, e gritu pa mas determinashon gubernamental ta zona mas duru for di diferente skina.
Pa awor e kontesta di Den Haag ta kla: un intervenshon atministrativo manera na Sint-Eustatius no ta al kaso segun sekretario di estado Van der Burg.