KRALENDIJK – Fundashon Tienda pa Konsumidó Boneriano ta organisá di nobo e kurso ‘Konsumidó Konsiente’, ku tin komo meta di fortalesé konosementu i abilidat di konsumidónan riba e merkado lokal.
E kurso ta trata entre otro maneho di plaka i asuntonan di banko, derechonan di konsumidó, kushinamentu saludabel i konsiente, i e prinsipionan básiko di kuminsá i maneha un negoshi. Pa esaki ta traha huntu ku diferente organisashon, inkluyendo Akseso, MCB Bank, e Kámara di Komersio di Boneiru i e departamentu SZW di Rijksdienst Caribisch Nederland.
Ainda tin 50 lugar disponibel
E lesnan ta tuma lugá semanalmente riba djaluna anochi di 18.00 pa 21.00 or. E promé dos gruponan a yena kaba; sinembargo, ainda tin rond di 50 lugá disponibel pa partisipantenan nobo.