KRALENDIJK – Akkermans Auto Supplies a ampliá su oferta di outo ku e marka di outo chines Chery. E introdukshon ofisial a tuma lugá siman pasá durante e apertura di e showroom nobo na Kaya Amsterdam.
Ku yegada di Chery, Akkermans ta agregá un di kuater marka di outo na su asortimentu eksistente. E introdukshon na Boneiru ta sosodé den koperashon ku e distribuidó regional Jolley Holding Group.
Durante e aktividat di apertura, bishitantenan a haña oportunidat pa mira e modelonan nobo i kore purba nan. Chery tabata tambe spònnser di Festival Kanto Krioyo e aña aki.
Desaroyo mas amplio
E ekspanshon ta pas den un desaroyo mas amplio kaminda den e añanan tras di lomba, kada biaha mas marka di outo chines a haña nan kaminda pa e merkado Karibeño, inkluso Boneiru. Asina e eskoho pa konsumidónan ta sigui krese, tantu den e segmento di outonan di pasahero, komo SUV’s, pickup i otro tipo di modelo.