WILLEMSTAD – Parlementario di MFK Javier Silvania ta urgi minister Tyron Boekhoudt di salú pa introdusí reglanan pa tempu di espera máksimo den kuido. Motibo ta e anunsiamentu di Curaçao Medical Center pa sera 40 di su kamanan di en totaal 300 kama.
Silvania ta bisa ku bou di su liderasgo a prepará un landsbesluit ku lo obligá hospitalnan pa duna pasentenan akseso na un spesialista den kuater siman, i pa operashon un fecha den siete siman. Raad di Advies a entregá su konsehó riba 25 di yüli aña pasá, pero te ainda e landsbesluit no a wordu publiká. E ta puntra Boekhoudt ki ora esaki lo tuma lugá finalmente.
Inspekshon i biahe na Colombia
Silvania ta hasi preguntanan tokante susesor di inspektor-heneral Sirving Keli, kende a bai ku pensioen riba 12 di yüni, i kier klarifikashon tokante e biahe di minister Boekhoudt na Colombia pa reklutá personal médiko.