KRALENDIJK – En konekshon ku Dia Internashonal kontra Abusu di Hende Grandi, departamentu di Guiami (di Sentro Akseso), den kolaborashon ku Zorg en Welzijn Groep, a organisá un serie di bishitanan na diferente pasadia i grupo di hende grandi na Boneiru.
Meta di e inisiativa aki tabata pa krea mas konsientisashon tokante abusu di hende grandi, informá partisipantenan kon pa rekonosé señalnan di abusu, i indiká unda i kon nan por buska yudansa ora ku ta nesesario.
Durante e bishitanan, e gruponan di hende grandi a mustra gran interes i apresio pa e informashon ofresí. E interakshon ku e partisipantenan a mustra a indiká nos ku tin un nesesidat kontinu pa edukashon i dialogo riba e tema importante aki. En total 175 hende grandi a risibi e informashon balioso aki.
Sentro Akseso i Zorg en Welzijn Groep ta enfatisá e importansia di protehá nos grandinan i ta keda komprometé pa sigui traha na prevenshon i señalamentu di abusu den nos komunidat.
Tambe departamentu di Guiami a hasi un bishita na nos BPZ Politie ploeg 1,2,3 i 4 kaminda a hasi un seshon di introdukshon, informashon i tambe indiká kiko ta e pasonan pa polis na momentu ku nan tin ku mèldu un kaso na Guiami i tambe pa nos koleganan di Guiami kon e pasonan ta na momentu ku tin ku mèldu na polis. Pues kiko i kon kada un instansia ta nifiká pa otro.
Pa mas informashon, por tuma kontakto ku Guiami via di nos liña grátis 0802-0802.