KRALENDIJK – E kampaña Salú Sin Miedu 2026 a ranka sali na Boneiru ku un kaminata HIV. Djarason 7 di òktober ta sigui un dia habrí na Fundashon Mariadal tokante HIV i salú seksual.
Habitantenan por bai djarason 7 di òktober di 9’or te 12’or na e Patio Blou di Fundashon Mariadal. Einan nan ta haña informashon tokante prevenshon i nan por hasi pregunta libremente tokante HIV, malunan venériko i salú seksual. Entrada ta grátis.
E dia habrí ta pa tur hende ku ke sa mas òf ku ke hiba un kòmbersashon ku profeshonalnan.
Investigashon di stigma di HIV: ta buska partisipante
Banda di aktividatnan tin tambe un investigashon di stigma di HIV i deskriminashon na Boneiru. E Aliansa ke haña asina un mihó bista den eksperensia- i opinionnan den komunidat.
Habitantenan ku no a partisipá ainda i ke kompartí nan eksperensia òf opinion, por manda meil na astatie-torressantana@fundashonmariadal.org.
E resultadonan mester sostené personanan ku HIV mihó. E Aliansa por usa nan tambe pa hasi e kuido mihó i mas aksesibel.
Tokante e kampaña
E kaminata HIV riba djasabra 26 di sèptèmber tabata e inisio di un seri di aktividat ku ta tuma lugá riba e isla e próksimo lunanan. E Aliansa Salú Sin Miedu ta pidi asina atenshon pa HIV, salú seksual i ménos stigma. E kampaña ta dirigí riba prevenshon, konsientisashon i ku por papia di HIV den komunidat. E organisashonnan ta kompartí informashon di e aktividatnan ku a plania via nan kanalnan di komunikashon i media sosial.
Aliansa Salú Sin Miedu ta konsistí di Fundashon Mariadal, GGD Boneiru i EQ Boneiru.