ORANJESTAD, Sint Eustatius – E Inspekshon di Medio Ambiente i Transporte (ILT) ta supervisá un operashon grandi di limpesa na e terminal di GTI na Sint Eustatius. Durante e insidente di 21 di yüli, alrededor di 19.000 barí di zeta di a lèk for di un tubo. Un kombinashon di un fayo tékniko i erornan humano ta wòrdu señalá komo kousanan preliminar.
E kantidat ku ILT ta menshoná ta korespondé ku estimashonnan anterior di The BES-Reporter, ku a papia na 20.000 te ku 25.000 barí.
E lèkmento a tuma lugá durante preparashonnan pa pòmp e zeta pa un barku. E zeta a kore den basinal di retenshon ku ta diseñá spesífikamente pa kapturá produktonan ku ta plama i evitá ku nan ta sigui kore yega laman òf yoga den naturalesa. Segun e ILT, residentenan, empleadonan i e medio ambiente no a kore ningun peliger direkto.
Ta trahando riba limpiesa
E zeta ku a plama aktualmente ta wòrdu saka ku trùknan di vakuo i temporalmente ta wòrdu wardá den un tanki. Material ku no por wòrdu chupá ta bai den drùm òf konteiner. Tera kontaminá ta wòrdu ekskavá i saká for di e tereno.
LTI ta bisa ku GTI a notifiká ILT imediatamente na telefòn i despues a entregá un rapòrt eskrito, manera ta obligá bou di e pèrmit di e kompania. Tambe e Entidat Públiko Sint Eustatius i e ekipo di krísis di e Ministerio di Infrastruktura i Manéhamento di Awa a wòrdu informá.
Investigashon ta tumando lugá
ILT a bisa di lo ta bishitá Sint Eustatius di 7 pa 11 di sèptèmber pa un inspekshon konhunto planifiká ku e Inspeksjon di Trabou Hulandes i e Region di Seguridat Rotterdam-Rijnmond. E insidente lo ta haltu riba agènda.
Den e simananan ku ta bin mester sali na kla kuantu tempu e limpiesa lo tuma, kuantu tera kontaminá mester wòrdu saká i kua medidanan GTI mester tuma pa evitá repetishon.