KRALENDIJK – Engelhart Productions a emití un dokumental di bida di Edgar Janga, ku na Boneiru ta mihó konosí komo Magic Ed. E pelíkula, titulá 25 Aña Magic Ed, ta wak bèk riba di 25 aña di kompromiso di e animadó pa komunidat Boneriano.
Ku e dokumental e kompania di produkshon ke konservá un pida di historia di entretenimentu di Boneiru pa generashonnan den futuro. Segun e outornan e meta di e pelíkula enfátikamente no ta komersial: no ta bende e dokumental i no ta buska spònser tampoko.
Liber pa wak
A traha e dokumental pa komunidat por gosa di dje i ku e historia di Janga ta keda konservá.