KRALENDIJK – Analista polítiko Willem A. Cecilia ta plantia den un artíkulo di opinion ku UPB ta krea eróneamente e impreshon ku Boneiru tin stabilidat atministrativo atrobe despues di baimentu di diputado Joselito Statia. Segun Cecilia e mensahe ku ‘Boneiru tin Gobièrnu’ ta un forma di komunikashon di krísis ku ta mustra e pueblo riba un ilushon polítiko.
Cecilia ta argumentá ku t’asina si ku un Kolegio Ehekutivo ku solamente dos diputado hurídikamente ta posibel, pero ku esaki no ta igual ku un situashon di gobernashon stabil òf deseabel. E ta mustra ku Parlamento Hulandes hustamente e siman aki a aprobá un kambio di lei di moda ku Boneiru ta haña for di 2027 kuater diputado, komo rekonosementu ku mester di mas poder atminstrativo.
Segun e analista presentashon di un atministrashon debilitá komo “business as usual” ta eróneo i ku esei ta supestimá seriedat di e situashon atministrativo. A inkorporá e artíkulo di opinion kompleto komo anekso na e artíkulo aki.