KRALENDIJK – Analista polítiko Willem A. Cecilia ta opiná ku e diskushon resiente tokante turismo ta desviá atenshon di e problema mas urgente ku Boneiru ta enfrentá aktualmente: e krísis polítiko i atministrativo.
Den un kontribushon di opinion, Cecilia ta kritika deklarashonnan alarmante tokante un posible bahada fuerte den turismo. Segun e, e sifranan aktual no ta mustra un kolapso den e sektor, mientras ku e reto prinsipal ta e redukshon di kapasidat di buelo i no un falta di demanda.
Segun Cecilia, gobièrnu a risibí ya for di tempu varios proposishonnan konkreto di e sektor turístiko pa fortalecé marketing i konekshonnan aéreo. Segun e analista, e problema no ta falta di ideanan, sino falta di desishonnan komo konsekuensia di e instabilidat polítiko.
Situashon gubernamental tin prioridad
Cecilia ta agrega ku e bishita anunsiá di sekretario di Estado Eric van der Burg ta mustra ku tambe den Hulanda tin preocupashon tokante e situashon gubernamental na Boneiru. Den su opinion, no por papia di “business as usual”mientras e impase polítiko no a keda resolvé.
E kontribushon kompletu di opinion di Willem A. Cecilia por wòrdu lesa via e link aki.