KRALENDIJK – De wikent tras di lomba, polis a detené shete shofer pa kondusí bou influensia di alkohòl. E detenshonnan a tuma lugá durante kontròlnan di tráfiko i komo konsekuensia di aksidentenan di tráfiko na diferente sitio na Boneiru.
E shofernan involukrá, ku edatnan entre 19 i 44 aña di edat, a resultá positivo despues di un test di alkohòl i tabatin mas alkohòl den nan sanger ku loke lei ta permití. Algun shofer a yama atenshon pa nan kondukto pelegroso riba kaya, mientras otronan tabata involukrá den aksidentenan di tráfiko. Den dos kaso, e e reibeweis di e shofernan a wòrdu konfiská.
Tur e sospechónan a wòrdu transportá pa warda polis pa prosesamentu di e prosès-ferbal.