KRALENDIJK – Korte den Promé Instansia di Boneiru, Sint-Eustatius i Saba ta trata awe e kaso penal Papaya, ku ta trata asesinato di e bombero Sheldon J. na Saba, relashoná ku su kontenido. E seshon ta tuma lugá na Boneiru i segun espektativa ta dura di awe mainta 9’or te mas o ménos 5’or awe tardi.
For di e tiroteo na sèptèmber aña pasá e kaso a haña hopi atenshon na Saba, kaminda masha poko sa tin delitonan serio di violensia. Ministerio Públiko ta sospechá Rudolfo V. v. H, (36) i Anthony N.W. (26) di ta enbolbí den morto di e bombero.
Durante seshonnan den korte anterior ámbos sospechoso a nenga tur enbolbimentu. Segun Ministerio Públiko e investigashon ta mustra sinembargo den direkshon di un asesinato planiá. E dosié ámplio ta konsistí entre otro di spornan di DNA i imáhennan di video ku segun hustisia ta inkriminatorio pa e sospechosonan.
E tratamentu ta tuma lugá na Boneiru. Interesadonan na Saba por sigui e seshon via un transmishon bibu di video den Community Center. Na Sint-Maarten tambe tin un sala disponibel pa miembronan di famia, sobrebibiente- i otro interesadonan.