KRALENDIJK – Politie di Boneiru a detené dos shofer den e dianan tras di lomba riba sospecho di a manehá bou di influensia di alkòhol. Ambos detenshon a tuma lugá den e área di sentro, den oranan tempran di mainta di djaweps dia promé di yüli.
E promé detenshon a tuma lugá alrededor di 04:35 ‘or. Un patruya di polis a mira kon un hende muhé tabata manehá su skuter di banda pa banda riba kaya. Na momentu di kontròl, e muhé tabata mustra diferente señalnan di uzo di alkòhol. Un test di supla a konfirmá e sospecho: e tabatin mas alkòhol den su sanger ku ta permitá pa lei. Polis a kita su reibeweis, huntu ku su skuter. Lo ku ta notabel ta ku esaki ta e di tres bes ku e señora akí ta wòrdu detené pa manehá bou di influensia.
Algu mas trempan ku esaki, alrededor di 02:35 ‘or, politie a intervení ora a mira un golf cart ku kuater okupante, ku tabata manehá kontra e direkshon di tráfiko. E shofer di 19 aña a supla positivo tambe. Nan a impone un proibishon di manehá di seis ora na e sitio mesun.
Ambos shofer a wòrdu transportá pa e warda di polis. A duna nan tur dos un prosèsferbal.