WILLEMSTAD – A topa ku un hòmber morto den un pikòp na Seru di Cocori ku un herida na kabes ku tabata sangra. Polis ta investigá si violensia ta kousa di su morto òf si tin un otro kousa di morto.
Hendenan ku tabata pasa ei banda a mira e hòmber den un pikòp marka Mazda i a alertá servisio di emergensia. Na e momento ei e no tabata duna señal di bida mas.
Na nan yegada polis i personal di ambulans no por a hasi nada mas p’e. A yama un dokter di polis pa konstatá morto ofisial.
A buska eventual rasku den besindario. No a publiká e identidat di e hòmber ni índole di su heridanan.
Polis ta enfatisá ku no ta probá ainda ku por papia di asesinato. E investigashon riba kousa di morto i e sirkumstansianan bou di kua a topa e hòmber ta kanando.