KRALENDIJK – Korte Supremo a pone un fin definitivo na un konflikto di hopi aña entre Dabboussi Holding B.V. i e instaladó eléktriko Elektro Pro B.V. tokante pago di trabou suplementario pa konstrukshon di un edifisio nobo na Boneiru. Wes Supremo a rechasá e apelashon den kasashon di Dabboussi Holding, di manera ku ta mantené e sentensia promé di Korte Komun di Hustisia totalmente.
E kaso tabata bai tokante suministro i instalashon di instalashonnan elektrotékniko durante konstrukshon di un edifisio nobo na Boneiru. Mientras tabata realisá e trabounan, a surgi un konflikto tokante asina yamá trabou suplementario: trabounan suplementario ku tabata kai pafó di e kombenio original.
Elektro Pro a deklará ku e tabatin derecho riba pago di alrededor di USD 24.700 pa trabounan suplementario. Daboussi Holding a kuestioná e demanda i a argumenta ku partidonan a hasi palabrashonnan durante un reunion riba 27 di mart 2020 tokante un otro manera di kalkulá e trabou suplementario. P’esei mester a sigui un kalkulashon mas abou segun e kompania.
Korte: no tin pruena di akuerdo ku a hasi
Korte Komun di Hustisia a duna Dabbousi Holding e tarea na òktober 2024 pa prueba ku durante e reunion a yega realmente na un akuerdo. Despues di a tende un testigu i evaluashon di e-mailnan, mensahenan di Whatsapp i otro dokumentonan Korte a yega den luna di mei na e konklushon ku no a produsí e prueba ei.
Segun Korte e e-mailnan ku a manda djis despues di e reunion a mustra hustamente ku ámbos partido fundamentalmente no tabata di akuerdo ku e preis di e trabou suplementario. Asina por ehèmpel e gerente di Electro Pro a skirbi eksplísitamente ku segun e no a traha palabrashon i el a pidi pa un konsulta nobo pa ainda finalisá e kuestion. Korespondensia despues tambe a mustra ku e konflikto a keda eksistí.
P’esei Korte a husga ku no por a determiná ku partidonan a yega na akuerdo tokante e preis pa e trabou suplementario.
A rechasá apelashon riba e kontrakto i lei
Tambe Dabboussi Holding a argumentá ku no mester a paga e trabou suplementario pasobra no tabata eksistí un akuerdo previo por eskrito pa esei manera segun e kombenio i Kódigo Sivil BES ta nesesario.
E argumento ei tampoko no a dura segun Korte. E wesnan a mustra ku Dabboussi Holding mes a insisití komo kliente profeshonal pa kontinuá ku e trabounan, apesar di e desakuerdo eksistente tokante preis. Bou di e sirkumstansianan ei Korte ta konsiderá segun medidanan rasonabel i hustu inakseptabel ku e kliente despues ta invoká falta di un kompromiso di trabou suplementario por eskrito.
Pasobra no a stipulá e trabou suplementario, Korte a dikta ku Electro Pro tabatin derecho riba un kompensashon rutinario òf rasonabel. Segun Korte no tabatin motibu pa asumí ku e montante di USD 24.761 ku Electro Pro a fakturá tabata irasonabel.
Despues di a deskontá ku un anterior kompensashon duná di USD 1.000 na Dabboussi Holding pa motibu di trabounan di ICT, a sentensiá e kompania pa paga USD 23.761 oumentá ku interes legal i gastunan di proseso.
Korte Supremo no ta mira motibu pa intervení
Despues Dabboussi Holding a presentá e kaso na Korte Supremo. Wes Supremo a husga awor ku e kehonan kontra e sentensia di Korte no por kondusí na revoká e desishon di wes.
Korte Supremo a hasi uso di artíkulo 81 di Lei riba sistema hudisial. Esei ta nifiká ku e kehonan di kasashon presentá no ta lanta kuestion hurídiko nobo ku ta importante pa unidat hurídiko òf desaroyo di derecho. P’esei Korte Supremo a limitá su mes na un motivashon kòrtiku.
Fin di un konflikto ku a dura seis aña
Ku e sentensia di Korte Supremo a finalisá definitivamente e disputa, ku su orígen tabata den ehekushon di trabounan di konstrukshon den 2020. E veredikto ta konfirmá ku Dabboussi Holding mester paga e parti mas grandi di e faktura di trabounan suplementario ku ta habrí i tambe e gastunan di proseso di tantu e proseduranan na Korte komo den kas