ORANJESTAD, Sint-Eustatius – Kuerpo Polisial Karibe Hulandes (KPCN) a organisá e siman aki un seshon di informashon tokante seguridat i velosidat pa koredónan di fatbikes i e-bikes na Sint-Eustatius. E seshon a kombiná tèstnan di kore baiskel ku edukashon di tráfiko pa koredónan hóben i nan mayornan.
E evento a tuma lugá riba djaluna 27 di yüli, dilante di ofisina di polis na Oranjestad, kaminda agentenan a instalá un kaha polisial. E aparato aki ta pèrmití polis pa midi na un manera seif velosidat máksimo di fatbikes i e-bikes i disidí si nan ta kumpli ku e límitenan di velosidat legal.
Entre 17:00 en 19:00 ‘or a test mas o ménos 25 fatbikes i e-bikes.
Banda di realisá kontrolnan di velosidat e agentenan a probechá di e okashon pa informá e partisipantenan tokante seguridat den tráfiko.
A rekordá koredónan ku fatbikes i e-bikes bou di leinan di Karibe Hulandes no mag surpasá 30 kilometer pa ora. Agentenan tabata enkurashá e hóbennan tambe pa apliká reglanan di tráfiko i lèsnan di seguridat den tráfiko ku nan a siña na skol, riba kaminda públiko.
Segun KPCN a risibí e inisiativa bon i koredónan hóben a reakshoná entusiasmá i a mustra interes pa laga tèst nan baiskel riba e kaha polisial.
Polis a deskribí e evento komo edukativo i a kontribuí na konsientisá e hóbennan pa loke ta trata uso di fatbikes i e-bikes.
Awor ku e popularidat ta keda krese den Karibe Hulandes, polis ta bai dirigí mas riba informashon i prevenshon banda di mantenshon pa stimulá uso seif di e vehíkulonan aki.