KRALENDIJK – Union Patriótiko Boneriano (UPB) a presentá un proposishon pa un struktura nobo di pa áreanan bèrdè na Boneiru. E plan, titulá “Let’s Make Bonaire Green Again”, a wòrdu anunsiá via un komunikado di prensa di lider interino di partido Jolinda Craane.
UPB ta boga pa un kambio struktural, kaminda Boneiru lo wordu dividi den zonanan di maneho ku un hende responsabel fího. Segun e partido, esaki por kontribuí na espasionan públiko mihó mantené i un isla mas agradabel pa biba, ku mas atenshon pa entre otro sombra, frescura, seguridad di tráfiko, biodiversidad i resistensia klimátiko.
Detaye
UPB ainda no a publiká informashon detayá tokante e kostonan, e plaso di ehecushon ni e manera kon e sistema proponiá lo mester wordu organisá.