KRALENDIJK - E tensionnan dentro di e koalishon di gobernashon di UPB, MPB i e frakshon di Salma Serberie ta parse ku ta sigui frese. Un dia despues di e salida inesperá di diputado Joselito Statia, representantenan prominente di e dos partídonan di koalishon a duna kritiká fuerte públikamente kontra di otro riba dia mardí, via entrevistanan di radio.
Den e programa Brunch di e radiostashon Live99, e presidente di frakshon di MPB Hennyson Thielman a ataká fuertemente e lider interino di UPB, Jolinda Craane. Segun Thielman, Craane ta mustra kondukta intimiderante i autoritario den e direktorado di Espasio & Desaroyo kontra di funshonarionan, kaminda e ta traha komo empleada di e deputado Statia ku a sali.
Thielman a bisa ku empleadonan ta wòrdu poné bou presion i hasta menasá ora nan no ta hasi loke Craane ta pidi di nan. E deklarashon mas notabel for di e entrevista tabata su komparashon di Craane ku e lider di PDB Clark Abraham.
"Jolinda Craane ta Clark Abraham ku un saya", asina Thielman a bisa.
Ku e deklarashon ei e tabata referí na akusashonnan ku Abraham, durante su periodo komo diputado, tambe tabata mustra un estilo di maneho outoritario o asta diktatorial.
Mas lat den dia Craane a reakshoná den un entrevista riba Live FM. Craane no a drena mashá den detaye di e akusashonnan ekspresá pa Thielman pa loke ta trata di su aktitut pa ku Joselito Stati, i su forma di trata ámtenar den e direktorado di Espasio & Desaroyo e a laga mayormente sin kontesta.
Craane no a drenta mashá den detaye pa ku e krítika di Hennyson Thielman riba su antitut i kompartashon i a bisa di ke enfoká riba kos realmente importante.
(Foto - Live99FM)
Na lugá di esei, Craane a dirigí su kritiká riba Thielman mes. Segun Craane, e lider di frakshon di MPB ta demonstrá ku su deklarashonnan ku esaki no ta kla pa karga responsabilidad pa e gobernashon di Boneiru.
Riba ken lo keda nombrá na lugá di Statia Craane tampoko ke a bisa mashá. Segun Craane, loke ta importante prinsipalmente ku e diputado nobo mester ta bon kalifiká, i ku e lo por yena e funshon bon.
E lider interino di UPB na mes momentu a purba di relatiá e tenshonnan ku a surgi den e koalishon. E a kompará e situashon ku un ekipo di deporte Kaminda tin biaha un bon hungadó mester wordu halá na banda temporalmente, pa al final e ekipo logra e viktoria.
Gobernashon di e isla no ta na meliger
Craane a suprayá durante e entrevista ku segun e, kontinuidat di gobernashon na e isla no ta na peligre i ku e gobernashon lo sigui, "ku of sin MPB."