KRALENDIJK – Kolegio Ehekutivo a establesé un repartishon nobo di kartera despues di e salida di diputado Joselito Statia. Ku e repartishon nobo, e Kolegio ta perkurá e kontinuidat di gobernashon i e ehekushon di e tareanan atministrativo lo keda garantisá. E responsabilidatnan nobo a keda establesé durante e reunión di Kolegio Ehekutivo di 1promé di yüli.
Diputado Jennifer Mohamedjoenoes lo dirigi e direktorado di Maneho i Sosten, i esun di Supervishon i Mantenshon di lei. E a bira responsabel, entre otro, pa e terenonan di pólisa di finansa públiko i impuesto, asuntonan inter-gubernamental i regional, ekonomia i turismo sostenibel, remigrashon i bibienda.
Diputado Timoteo Silberie lo dirigi e direktorado Komunidat & Kuido i Planifikashon & Desaroyo. Su kartera ta inkluí, entre otro, edukashon i infrastruktura di skol, deporte i rekreo, salú públiko, ordenashon teritorial, infrastruktura i maneho di awa, i tambe naturalesa, medio ambiente i restorashon ekológiko.
Gezaghèber John Soliano ta keda presidente tantu di e Kolegio Ehekutivo komo di e Konseho Insular i e Reunion General di Akshonista pa kompanianan di gobièrnu. El ta keda tamde ku e responsabilidat pa e terenonan di bon gobernashon, orden públiko i siguridat i maneho di krisis i di desaster.
Remplasa otro
E Kolegio Ehekutivo a determiná ademas ku e dos diputadonan lo remplasá otro temporalmente den kaso di ousensia, asina ku e trabounan por sigui sin interupshon.