NEW YORK - James Finies, representante di e Organisashon di Derechonan Humano di Boneiru (BHRO), a hasi un apelashon pa mas partisipashon demokrátiko i inklushon pa Boneiru durante un reunion lateral di e Foro Politiko di Haltu Nivel (HLPF) di Nashonnan Uni riba desaroyo sostenibel.
Den su diskurso pa representantenan di gobiernonan, NU, mundo akadémiko i sosiedat sivil, Finies a bisa ku e Metanan di Desaroyo Sostenibel (SDGs) no por wordu alkansá kompletamente, tanten ku desisjonnan importante riba Boneiru ta keda tumá na Hulanda Europeo na lugá di habitantenan di e isla nan mes.
Finies a hasi e pregunta kon e komunidat internashonal por kumpli ku su promesa di no laga niun hende, mientras ku Boneiru, segun e, kasi no tin bos den desisjonnan ku ta determiná su futuro. Finies a argumentá ku inklushon, partisipashon demokratiko, dunamentu di kuenta i e derecho na outodeterminashon mester wòrdu rekonosé komo kondishonnan esensial pa desaroyo sostenibel.
Preokupashonnan ekspresá anteriormente
E kontribushon aki ta basá riba preokupashonnan ku BHRO a ekspresá anteriormente na organonan di derechonan humano di NU, riba pobreza, desigualdad, identidad kultural i partisipashon den toma di desishon na Boneiru.