KRALENDIJK – Durante e reunion di Konseho Insular (di toma di desishon) riba djamars 21 di yüli 2026 Dennis Martinus na nòmber di MPB a huramentá ofisialmente komo diputado insular pa Boneiru. Ku nombramentu di Martinus, Kolegio Ehekutivo ta kompletu atrobe.
Despues di e huramentashon ofisial, den presensia di su famia i invitado, Martinus a ekspresá su gratitut i ambishon. Konseho Insular a ekspresá su apresio i a dese’é hopi éksito den e periodo binidero.
Repartishon di kartera
Durante e próksimo reunion di Kolegio Ehekutivo ta stipulá repartishon di kartera di e Kolegio Ehekutivo nobo i lo publiká esaki mesora.
E nombramentu di Martinus por lo pronto ta trese trankilidat bèk den e koalishon di UPB, MPB i frakshon Serberie. Esaki a keda kologá na un hilu despues di e retiru di anterior diputado Joselito Statia. Notabel si ta ku den e votamentu sekreto den konseho insular, tres konsehal a vota kontra di e nombramentu di Martinus, mientras seis a voto na fabor.
Diskulpa
Den transkurso di e reunion di konseho insular konsehal Yona Chirino pa ofresé su diskulpa. "Mi ke ofresé mi deskulpa públikamente pa e susesonan den e simannan tras di lomba. E pueblo di Boneiru meresé mihó pa loke ta traha su goberanshon”.