KRALENDIJK – E shete moshonan ku konseho insular a pasa siman pasá durante un reunion èkstraordinario ta mas ku un reakshon riba problemanan sosial ku no a kaba di resolvé. Segun analista polítiko Willem A. Cecilia, nan ta mustra un problema mas fundamental: e koperashon entre e konseho insular i e kolegio ehektuvio ta laga di deseá.
Den un opinion djadumingu, Cecilia ta skibi ku e reunion èktraordinario di 21 di yüli originalmente tabata konvoká pa nombra un diputado nobo. Despues di esei, shete moshonan a bin riba mesa tokante topikonan hopi diferente: kuido di hende grandi, gastonan di energia, bibienda sosial, agrikultura, vioelensha doméstiko i bendementu riba kaya, asuntonan ku mester a tabata riba agènda basta dia pasá.
“Ora tantu problema sosial ta haña atenshon únikamente despues di lunanan òf asta aña via moshonan, esei ta indiká un fayo den e guia i kòntròl polítiko normal,” Cecilia ta skibi. Di e manera aki e konseho insular ta funshonando kada biaha maner un brek di emergensia politiko, na lugá di un órgano ku ta korigí kos nan tempu.
E akumulashon di moshonan ta mustra, segun e analista, un problema ainda mas profundo. “E ta mustra riba un relashon di informashon i dunamentu di kuenta ku ta fayando entre kolegio ehekutivo i e konseho insular,” Cicilia ta bisa e. E resultado ta un spiral negativo: pasobra e konseho no ta wòrdu informá na tempu, esaki ta hasi moshonnan na último momento nesesario.
Konfiansa i transparensha
Cecilia ta konkluí ku un sistema di gobernashon ku ta funshoná bon ta para òf no ku konfiansa i transparensha mutuo. Kolegio ehekutivo mester informá konseho insular na tempu i kompletu; konseho insular mester usa informashon aktivamente pa duna direkshon, i no warda te ku problemanan ta bira krisis politiko.
E opinion kompleo di Willem A. Cecilia por mira aki.