KRALENDIJK – Direktiva di Union Patriótico Bonairiano (UPB) a saka un komunikado pa prensa djamars atardi, kaminda nan ta ekspresá nan apoyo kompleto pa e lider polítiko interino Jolinda Craane. E partido ta suprayá ku su posishon aktual ta den liña ku un tradishon mas largu, den kua lidernan polítiko promé ta wòrdu nombrá di manera interino i despues konfirmá ofisilmente na un kongreso di partido.
E deklarashon di UPB ta sigui despues e krísis politiko resien den koalishon. Segun UPB, Craane a hunga un ròl importante den e konbersashonnan ku na final a resultá den e preservashon di e koalishon. Direktiva di e partido bèrdè ta ekspresá su apresio pa su komportashon.
UPB ta deskribí e susesonan di algun siman atras komo un "krísis politiko chikitu". Sin embargo, den siman tras di lomba tabata tin hopi duda si e koalishon aktual lo sobreví òf nò, i tabatin konsiderashon serio di e posibilidat ku kolegio ehekutivo lo a keda mandá kas. Craane, ku no ta un miembro elegí di Kolegiio Insular, ni tampoko no a wòrdu konfirmá komo lider politiko interino pa un kongreso di e partido, a hunga un ròl notabel den esaki. Komo konsehero di diputado Joselito Statia, e a urgi pa su retiru. Esaki a resultá den tenshonan signifikante den e koalishon i a kousa bastante resentimento entre UPB i e otro dos partidonan di koalishon.
Lider interino di partido no ta sin presedente
Un parti klave di e deklararashon di jamas ta enfatisá ku e manera kon a nombra Craane como ‘lider interino’ no ta nada straño den UPB. E partido ta hasi menshon di e manera ku a nombra Ramonsito Booi inisialmente komo lider polítiko interino, promé ku a nombr’é lider di partid na ,1997. Elvis Tjin Asjoe i despues James Kroon tambe promé a sirbi den un kapasidad interino, segun e partido. Kroon a wòrdu nombra formalmente komo lider politiko na e kongreso di partido di 2014.
Ounke e komunikado a bini di parti di direktiva di e partido, e frakshon kompleto di UPB den e Konseho Insular a sali den un pòtret ku a bini huntu ku e komunikado.