KRALENDIJK - Tourism Corporation Bonaire (TCB) ta bai organisá su último Taste of Bonaire pa e aña akí. E evento ta tuma lugá riba djasabra 26 di sèptèmber 2026 na Isidel Beach Park for di 6 or di atardi pa 10 or di anochi den un tremendo ambiente ku e tema ‘Turismo’ den kuadro di Luna di Turismo.
E programa ta kargá ku músika i talento i tin vários stènt ku ta bende kuminda lokal i internashonal. E agrupashonnan musikal Grupo Kariño i Palu Grandi, i DJ Marv lo ta presente pa animá e anochi aki. Pa hasi e Taste of Bonaire akí mas atraktivo tin aktuashon tambe di Brassband The Boyz i nos ta bai anunsiá premiashon di nos spùrtògt.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 26 di sèptèmber 2026 na e último
Taste of Bonaire pa e aña akí edishon Turismo na Isidel Beach Park.