KRALENDIJK- Orco Bank N.V. ta anunsiá ku Judy Diaz, Country Manager di e sukursal na Boneiru, lo bai ku penshun tempran for di 1 di òktober 2026. E banko ta gradisí su liderazgo i su gran kontribushon na e banko i na e komunidat di Boneiru di henter kurason.
E historia di Judy Diaz ku Orco Bank Boneiru a kuminsá na 2008. El a hunga un ròl importante den e liderazgo di e sukursal i a logra vários meta importante, entre otro e renovashon di e edifisio kaminda e sukursal ta establesí desde 2009. Dia 3 di febrüari 2024 el a bolbe den banko komo Country Manager. Bou di su liderazgo, e banko a bira mas konosí i a fortalesé su posishon kompetitivo na Boneiru, i a mira un kresementu salú.
"Ku su kompromiso, su konosementu di Boneiru i su manera personal di traha, Judy a laga un marka duradero riba nos banko," CEO i Managing Director di Orco Bank, Edward Pietersz a bisa. "Klientenan i kolega ta konos’é komo un persona ku semper ta kla pa yuda. Nos ta masha gradisí i ta dese’le tur lo mihó den e etapa nobo aki di su bida."