ORANJESTAD – Un dama Hulandes di 23 aña a fayesé djadumingu atardi durante un aksidente ku un UTV riba kaminda di Grapefield na San Nicolas. Segun polis e ta e di djes morto den tráfiko na Aruba e aña aki.
E aksidente a sosodé den kareda di 14.58 or’. Segun e promé resultadonan e UTV a bòltu pa motibunan ainda deskonosí. E dama tabata manehá e vehíkulo i despues di e aksidente e no tabata duna señal di bida mas.
Personal di ambulans a purba di yud’é ainda, pero no por a hasi nada mas p’e. Un dòkter forénsiko a konstatá morto na e sitio. Polis forénsiko, spesialistanan di tráfiko i yudansa pa víktima tambe a bini e sitio di e aksidente.
Polis no a publiká nada ainda tokante e kousa eksakto di e aksidente.
E aksidente a bini nèt na un momento ku e sektor di UTV na Aruba tin basta tempu bou di preshon pa via di diskushonnan tokante seguridat, pèrmit i supervishon