KRALENDIJK – E di nuebe edishon di Guardian Walk & Run Bonaire ta tuma lugá djadumingu 31 di mei 2026. Despues di un edishon eksitoso atrobe e organisashon ta prepará di nobo pa un asistensia grandi di kanadó- i koredónan riba e isla.
E evento a bira bastante popular e último añanan. Na 2024 450 persona a partisipá i a bende tur karchi. Na 2025 e kantidat di partisipante a subi te 520.
Durante e di ocho edishon Marc Bakker i Josje Peters a bai ku e viktoria riba 8 kilometer. Bakker tabata esun mas lihé serka e hòmbernan ku un tempu di 30 minüt i 50 sekònde. Ku esaki el a drecha e tempu ganadó di 2024, ora Gerald Moreta a kana den 32 minüt i 48 sekònde. Serka e muhénan Josje Peters a yega final den 33 minüt i 59 sekònde.
Durante e edishon di 2026 salú i bienestar ta sentral. E komienso ta 6.30 di mainta na Bachelor’s Beach i e final ta na Frans Paradise. Partisipantenan por skohe un ruta di kana òf un ruta di kore di 8 kilometer.
Pa muchanan tambe tin distanshanan apart. Muchanan bou di 10 aña ta kana 1 kilometer, mientras partisipantenan bou di 15 aña ta kubri un ruta di 3 kilometer.
Meskos ku añanan anterior e ganashi kompleto di e evento ta bai pa un bon kousa na Boneiru. Organisashonnan por registrá ku un splikashon kòrtiku di nan kontribushon na komunidat.
Por inskribí via e website ofisial di Guardian Walk & Run Bonaire.