KRALENDIJK – Ta parse ku e Kareda di Regata ta bayendo pa un rèkòrt nobo di partisipante e aña aki. Mientrastantu 231 partisipante a inskribí kaba pa e di 42 edishon ku ta tuma lugá 14 di òktober.
E Kareda di Regata a krese enormemente e último añanan. Na 2023 tabatin apénas 26 partisipante na salida. Un aña despues e kantidat a oumentá na 120 partisipante. Na 2025 a nota di nobo un kresementu fuerte i tabatin 145 kanadó na salida.
Ku e aktual inskripshonnan e interes pa e edishon di 2026 ta kasi 60 porsento mas haltu kaba ku aña pasá. Ademas no a sera e inskripshon ainda. Via Race Roster e organisashon ta mustra ku partisipantenan por registrá te ku 13 di òktober, di moda ku e kantidat final por sigui subi ainda.
E kresementu ta remarkabel, pasobra aña pasá e organisashon a pone un límite di partisipante di 150 persona. A instituí e límite despues di e oumento drástiko na 2024. E tempu ei mester a sera e inskripshon prematuro; pasobra segun e organisashon posiblemente mas ku 200 persona lo a registrá.
Deportivamente tambe a kana tempunan rápido. Na 2024 Esteban Medina tabata e hòmber mas rápido riba 5 kilometer ku un tempu di 18 minüt i 42 sekònde. Josje Peters tabata e dama mas rápido den 20 minüt i 24 sekònde.
Aña pasá e tempo a sigui subi. E tempu mas rápido riba 5 kilometer tabata 15 minüt i 5 sekònde. Riba 2 kilometer pa mucha e tempu mas rápido tabata 9 minüt i 27 sekònde.
Comcabon ta organisá e di 42 Kareda di Regata, den koperashon ku INDEBON. E 5 kilometer i 2 kilometer pa mucha ta sali 14 di òktober pa 17.30 or’ na Stadion di Playa. E final ta na Karel’s Beach Bar. E aña aki e organisashon ta traha ku registrashon di tempu digital i tur partisipante ku yega final ta haña un medaya.
Por registrá pa e kareda di regata via e lenk aki