Dekorashon pa Dia di Boneiru ta kondusí na diskushon riba medionan sosial

KRALENDIJK – E dekorashonnan ku a keda instalá na diferente retònde na Boneiru den e díanan akí komo preparashon pa Dia di Boneiru, ta kreando diskushon riba media sosial.

Spesialmente un pida tela grandi ku entre otro e bandera di Boneiru ta generá pregunta. Algun residente ta pensa ku e kombinashon di koló ta referí na e bandera arkoiris i ta pone un konekshon ku e aktividatnan di Pride ku a tuma lugá resientamente na e isla. Otronan ta bisa ku nan ta mira e kolónan di e bandera di Alemania den e diseño.

Banda di esaki, por skucha krítika tambe riba e banderanan ku a wòrdu poní na e diferente retònde. Diferente habitante ta remarká ku e kolónan ku a wòrdu usá no ta kuadraku esnan di e bandera ofisial di Boneiru.

Te na e momento akí, Entidat Públiko no a duna splika­shon tokante e diseño ku a wòrdu skohí, ni a reakshona riba e krítika ku ta keda ekspresá online.