ORANJESTAD – Wardakosta a interseptá djaweps anochi un barku ku droga na bordo. A entregá dos hòmber Venezolano huntu ku e droga na Kuerpo Polisial di Aruba. E investigashon ta tumando lugá ainda.
Un avion di wardakosta a señalá djaweps anochi un kontakto sospechoso ku tabata bayendo direkshon di Aruba. Wardakosta a manda mésora dos Metal Sharks, barkunan di intersepshon rápido, na e sitio.
A identifiká e barku komo un boto ku tabata transportá droga. Despues di un persekushon kòrtiku, kaminda a lòs tirunan di atvertensia pa fòrsa e kapitein pa para, a interseptá e boto.
Entrega na polis
Despues di e intersepshon a hiba e boto pir di wardakosta. Einan a entregá e dos sospechosonan i e droga na Kuerpo Polisial di Aruba. Mientrastantu a destruí e droga.
Segun Wardakosta Kuerpo Polisial di Aruba no ta ekskluí mas detenshon.