KRALENDIJK – Djaluna 24 di ougùstùs ta kuminsá na Boneiru e kaso den korte di e tiroteo fatal kaminda riba 8 di yüni 2025 un hóben di 15 aña a pèrdè su bida. E kaso penal Galapagos ta dura shete dia di huisio te ku 1 di sèptèmber.
Durante e tiroteo a alkansá e hóben mortal net pafó di un sitio nokturno di dibertishon. Dos otro persona a resultá heridá.
E seshonnan ta riba dianan di trabou di 9’or te mas o ménos 17.00 ‘or ku un pousa pa kome mèrdia.
Debí na e beheit ku ta fèrwagt interesadonan por sigui e seshonnan bibu via un komunikashon di video den sentronan di bario Tera Kòrá i Nort’i Saliña. No mester registrá.
Petishon pa por drenta sala di korte
Esun ku tin un interes spesial den e kaso, manera famianan serkano di un sospechoso, por entregá un petishon motivá via e e-mail di Korte. Ta evaluá kada petishon si akseso na e sala di korte ta posibel.
Ta konsiderá Galapagos komo un di e kasonan penal mas grandi ku Boneiru a konosé e último añanan.