KRALENDIJK – En konekshon ku festividat- i aktividatnan rondó di Siman di Regata 2026 lo sera tres sitio di buseo temporalmente. Ta trata di Jerry’s Reef, Just a Nice Dive i Monte Divi.
E seramentu ta drenta na vigor djabièrnè 9 di òktober pa 6’or di mainta i ta dura te djabièrnè 16 di òktober pa 6’or di atardi.
Segun e organisashon konserní e seramentu temporal ta pa garantisá siguridat durante e diferente aktividatnan i prevení perturbashon den e parke marino.
Ta pidi organisashonnan di buseo, empresanan di deporte akuátiko i otro partidonan embolbí pa tene kuenta ku e seramentu na momento di plania nan aktividatnan durante e periodo aki.
E organisashon ta pidi sosionan i otro personanan embolbí pa parti e informashon bou di su kliente- i kontaktonan.
E seramentu ta kai huntu ku e aktividatnan rondó di Siman di Regata 2026, un periodo kaminda riba awa i rondó di awa diferente evento ta tuma lugá.