Gobièrnu di Boneiru ta studia posibel kompensashon despues di subimentu di tarifa di koriente

KRALENDIJK – Entidat Públiko Boneiru (EPB) ta bisa den un komunikado di prensa ku nan ta investigando posibilidatnan pa suavisá e konsekuenshanan di e tarifanan di koriente mas haltu ku Kompania di Awa i Energia Boneiru (WEB) a kaba di anunsiá.

Segun e EPB, e subimentu di e tarifa variable di koriente por resultá den preshon finansiero adishonal tantu pa famia komo pa negoshinan, bandi di e kostonan di bida ku ya ta haltu. P’esei ta buskando medidanan apropiá pa limitá e efektonan negativo di e subimentu di tarifa. Ora ku tin mas klaridat riba esaki, e habitantenan lo wòrdu informá.

Mientras ku ta wardando riba esei, kolegio ehekutivo ta hasi un apelashon riba habitante pa usa koriente i awa ku konsiensia. Esaki, por ehèmpel, dor di sende èrko menos tempu posibel, paga aparatonan ora ku esakinan no ta nesesario i purba limitá e uso di awa kayente.

Lees ook

Anunsio tarifanan di elektrisidat i awa di bebe entrante 1 de yüli 2026

EPB ta bisa ku nan ta den konsulta ainda ku WEB i otro partidonan involví kon ta sigui dil ku e situashon.