Compactor pa sushi pisá a yega Boneiru

KRALENDIJK – Un compactor pa sushi nobo pisá di e marka Finlandes TANA a yega Boneiru. E mashin ta pa prosesá i primi sushi riba un lèntfel.

Djaluna a transportá e mashin yamativo koló hel ku pretu riba un trùk. TANA ta konstruí compactornan spesial pa lèntfel ku ta kore ku wòlsnan hanchu di stal i djentenan grandi riba e sushi. Ku esaki no ta solamente primi e sushi hasi plat, pero tambe ta pèrs e hasi chikí i mas primí riba otro.

Segun fabrikante TANA e konstrukshon ta pèrkurá ku por usa un lèntfel mas efisiente posibel, pasobra ta kondensá e sushi mas fuerte. Dependé di e modèl e mashinnan ta pisa entre 26 i 55 tonelada.