Informashon di fondo
Water- en Energiebedrijf Bonaire N.V. (WEB) tin intenshon di ekspandí e instalashon di purifikashon di awa sushi (RWZI) ku ta eksistí kaba, pa asina oumentá e kapasidat di purifikashon konsiderablemente. Pa e realisashon di e proyekto aki, WEB ta organisá un destaho públiko.
E ehekushon ta planiá pa kuminsá for di e promé trimèster di 2027. E trabou mester wòrdu kompletá den máksimo 320 dia kalendario.
E asignashon
E asignashon ta enserá tur trabounan di konstrukshon i mekániko, i trabou di tera ku ta nesesario pa e ekspanshon di e RWZI. Despues ku esaki keda kla, e trabounan elektrotékniko i di outomatisashon lo ser ehekutá.
Kiko WEB ta buska?
WEB ta buska un kontratista prinsipal pa e ehekushon di e trabounan aki. E trabounan relashoná ku e instalashon elektrotékniko i outomatisashon no ta parti di e destaho aki. E kontratista prinsipal selekshoná lo tin ku perkurá e koordinashon i alinieamentu ku e kontratista(nan) enkargá.
Bo tin interes?
Pa mas detaye di e proyekto, informashon tokante e prosedura di e destaho i pa registrá bo interes, bo por manda un e-mail na: procurement@webbonaire.com. Despues bo lo risibí e dokumentonan di e destaho.
Personanan interesá ta wòrdu pidí pa komunika nan interes pa mas tardá dia 21 di ougùstùs 2026 pa 15:00 (ora lokal di Boneiru). E plaso di registrashon aki ta nesesario debí na e registrashon obligatorio ku tin ku tuma lugá dos (2) dia promé ku e inspekshon (schouw), kua ta tuma lugá dia 24 di ougùstùs 2026.
Tokante WEB Bonaire
Water- en Energiebedrijf Bonaire N.V. a wòrdu fundá na 1963 i ta propiedat di Openbaar Lichaam Boneiru. Komo empresa multi-utility ‘eksklusivo’, WEB ta responsabel pa entrega awa di bebe i koriente na un manera sostenibel, konfiabel i asekibel na mas ku 20.000 famia, negoshi i organisashon riba e isla di Boneiru. Desde 2013 e servisio a wòrdu ekspandí ku e rekolekshon i purifikashon di awa sushi i e entrega di awa di irigashon. WEB ta invertí den energia di fuentenan duradero i, desde 2021, ta produsí su mes awa di bebe. E team di WEB aktualmente ta konsistí di 150 empleado.