KRALENDIJK – Skucha e bos di komunidat ta esensial pa por traha huntu na un komunidat, bario, mas fuerte, sigur i uní. Pa e motibu aki, djabièrnè dia 7 di ougùstùs próksimo, Sentro Akseso lo bai tin un enkuentro di “Ban topa” den Sentro di Bario Nikiboko. Na e enkuentro aki, habitantenan lo haña e oportunidat pa kompartí nan opinion, preokupashon i eksperensianan tokante situashonnan ku ta pasando den bario.
Durante e anochi aki, habitantenan por hasi pregunta, duna sugerensia i papia abiertamente tokante temanan ku ta importante pa e bario di Nikiboko. E enkuentro di “Ban topa” aki ta un espasio habrí kaminda dialogá, skucha i kolaborashon ta para sentral.
Ku e inisiativa aki, Sentro Akseso ta deseá di di fortalesé e relashon ku e komunidat i traha hunt uku habitantenan pa logra un bario mas sigur, salú i seif. Opinion di kasa habitante ta balioso i ta yuda forma solushonan ku ta respondé na e nesesidatnan real di e bario.
Di e manera aki, Sentro Akseso ta hasi un yamda na tur habitante di Nikiboko pa forma parti di e anochi aki i ban kombersá. Huntu nos ta krea nos komunidat.
Fecha: djabièrnè, 7 di ougùstùs 2026
Sitio: Sentro di Bario Nikiboko
Orario: 18:30-21:00
E enkuentro aki ta kompletamente grátis!