WILLEMSTAD – Joel José Da Silva Goes a retirá inmediatamente komo direktor statutario di Goisco. Esei e empresá ta publiká den un komunikado di prensa. E motibu ta su detenshon resien relashoná ku poseshon di un arma di kandela ilegal.
Segun polis tabatin un konflikto familiar mainta tempran, kaminda Da Silva Goes a saka un arma di kandela. A detené despues.
Djis despues a sigui un deklarashon di su abogado ku riba petishon di famia ta terminá e kombenio kuné pa motibu di poseshon ilegal di arma di kandela.
Goisco ta enfatisá ku e kambio di direktiva no tin konsekuensia pa e operashonnan diario, pasobra Da Silva Goes, segun e mes ta bisa, pa basta tempu kaba no tabata embolbí den kon kos ta kana diariamente den e empresa.