WILLEMSTAD – Segun gobièrnu di Kòrsou Starlink por start na Kòrsou dentro di 30 dia despues ku e haña su pèrmit definitivo. E prosedura di pèrmit ta den su último fase. Minister Charles Cooper ta enfatisá ku Starlink mester kumpli ku lei di Kòrsou, manera reglanan di impuesto, derechonan di importashon i reglanan di telekomunikashon, meskos ku tur otro empresa.
Durante konsulta ku Starlink a papia tambia di uso pa enseñansa, kuido, kombatimentu di disaster i wifi públiko. Tambe Starlink lo ta mira Kòrsou komo un sitio stratégiko debí na infrastruktura di gateway eksistente i desaroyo rondó di sentronan di data. No ta kla ainda di kua infrastruktura ta trata presis.
Curaçao.nu a puntra supervisor RAC (Regulator Authority Curaçao) i Starlink mes si tin infrastruktura kaba di Starlink- òf SpaceX na Kòrsou, unda esei ta i si Starlink ta mira Kòrsou posiblemente komo sentro regional pa área di Karibe.