KRALENDIJK – E tim di sòftbòl di dama Moveshon Pa Kambio Juf Ida a hasi un yamada 22 di yanüari di e aña aki riba tur hende ku tabatin interes pa uni nan mes na un tim di sòftbòl nobo na Boneiru. Riba 4 di febrüari tabatin inisio ofisial di e tim.
Loke a kuminsá komo un yamada pa trese amantenan di sòftbòl ku i sin eksperensia huntu, a krese entretantu bira un grupo entusiasmá i kresiente. Moveshon Pa Kambio Juf Ida ta entretantu un asosiashon ku un tim di dama i un tim miksto. E timnan ta enfoká riba goso, rèspèt i trabou den tim i ta habrí pa deportistanan di tur nivel.
E inisiativa a kuminsá ku un yamada na hende muhénan entre 15 i 65 aña, no importá nan eksperensia ku sòftbòl. Entretantu hòmber i muhé ta trein i hunga tambe den un tim miksto. Segun e asosiashon ta bai pa mas ku sòftbòl so.
Balornan i sistema di funshoná
E club ta mantené balornan manera diversidat, rèspèt, konekshon, igualdat i transparensia. Banda di e treinennan e tim ta dediká atenshon na teambuilding i desaroyo personal. Nan ta komuniká den kuater idioma den e tim.
Spònsernan
E asosiashon tin dos spònser. Cactus Accounting, di Stephen Rosario, a paga e bòternan di awa di e tim. Healthz Zorgprofessionals Detachering a pèrkurá pa e kamiseta- i meanan.
Doño Marjolijn Vlaar di Healthz a interesá den e inisiativa durante un bishita na e isla. Segun Vlaar e balornan di e asosiashon ta korespondé ku vishon di su empresa, loke tabata motibu pa Vlaar pa sostené e tim.
Registrá
Interesadonan por tuma kontakto ku Naidy Cicilia via info@moveshonpakambio.com