KRALENDIJK – Un fuente ku eksperensia den Entidat Públiko Boneiru (EPB) ta ekspresando krítika fuerte riba e manera ku e organisashon atministrativo ta funshoná. Segun e fuente responsabilidat- i kompetensianan ta insufisiente repartí, dokumentonan mester pasa mucho hopi kaminda i struktura di e organisashon ta motibu ku tin retraso innesesario den toma di desishon. Finalmente no ta solamente gobernantenan, pero esaki ta afektá spesialmente habitante- i empresarionan.
E fuente a pone e krítika ámpliamente riba papel i Bonaire.nu tin e dokumentonan den su poder. E identidat ta konosí serka redakshon, pero no ta publiká esaki pa protehá e fuente.
Den e dokumentonan ta hasi un distinshon entre Konseho Ehekutivo ku ta determiná e metanan gubernamental, i e aparato atministrativo ku despues mester ehekutá e metanan aki. Hustamente durante e ehekushon ei segun e fuente regularmente ta bai robes.
“Gobiernu ta asina malu organisá ku pa añana kaba e ta faya pa loke ta trata Kolegio Ehekutivo”, tin pará den e dokumentonan. Un diputado mester por konfia riba un organisashon atministativo ku ta ehekutá tareanan gubernamental kualitativamente bon i na tempu, pero segun e fuente esei ta insufisientemente posibel den práktika.
Ofisina di sekretario di Entidat Públiko Boneiru
Un problema importante lo ta e repartishon di kompetensianan dentro di EPB. Direktoradonan lo tin insufisiente mandato pa tuma desishonnan nan mes. Pa e motibu ei dokumentonan mester pasa diferente nivel promé ku finalmente por tuma un desishon òf por firma un dokumento.
E fuente ta referí enfátikamente riba posishon di ofisina di e sekretario di Entidat Públiko Boneiru. Segun e dokumentonan un gran parti di mandato ta einan i p’esei hopi dokumento di diferente direktorado mester pasa finalmente via e ofisina aki.
“Kada papelucho ku ta bini di gobièrnu” mester pasa segun e fuente diferente kaminda pa aprobashon i firma. Tambe sierto proseso ainda no ta pasa digital.
Segun e fuente mester pone mas responsabilidat serka departamentu- i direktoradonan. Ora empleadonan i superiornan ku ta mas abou den e organisashon por tuma desishonnan independientemente dentro di kuadronan kla, lo por evitá un parti di e aktual retraso.
Habitantenan ta sinti konsekuensianan
Konsekuensianan di e manera ku a instituí e organisashon, ta visibel diariamente segun e fuente. Den e dokumentonan ta menshoná entre otro petishonnan di pèrmit, kasonan di tereno, petishonnan di empresanan i sédulanan komo ehèmpel di proseduranan kaminda habitantenan por warda largu riba klaridat.
Tambe falta di prosesonan di trabou kla i uniforme lo ta forma un problema. Segun e fuente no ta konosí tur ora ken ta responsabel pa un dosié i unda mester tuma un desishon.
Na mes momento enfátikamente no ta atribuí e problemanan solamente na ámtenarnan individual. Segun e dokumentonan tin netamente ámtenarnan ku ke yuda habitantenan i ke tin resultado, pero ku ta trahando den un sistema kaminda esei ta difísil.
“E ta debí na un sisitema gubernamental ku ta fayando”, e konklushon ta.
Ta ken tin poder bèrdaderamente?
E krítika ta bai mas leu ku solamente proseduranan lento. Segun e fuente e influensia basikamente dentro di atministrashon públiko por ta otro ku ta asumí riba papel.
Formalmente ta Konseho Ehekutivo ta determiná e kurso atministrativo i ta resigná e ehekushon serka e aparato atministrativo. Segun e fuente ta surgi sinembargo un situashon kaminda, debí na e manera ku mandato- i aprobashonnan ta organisá, supervishon atministrativo tin influensia grandi riba e pregunta sí i kon lihé ta ehekutá desishonnan polítiko realmente.
“E poder atministrativo real ta serka e mando mas haltu di gobiernu”, tin pará den e dokumentonan.
Diputado profeshonal komo detaye insignifikante
Ku esaki ta pone interogante na e pensamentu ku si atrae diputadonan profeshonal ku esaki lo por solushoná e problemanan atministrativo di Boneiru. Un gobernante por tin segun e fuente asina hopi konosementu relashoná ku su kartera, pero ta keda dependiente di un organisashon atministrativo ku mester ehekutá e plannan realmente.
Segun e fuente no mester wak solamente ken ta nombra komo diputado, pero spesialmente e organisashon i funshonamente di e aparatao atministrativo mes.