Spar koriente na kas: e desishonnan aki ta hasi un diferensia riba bo faktura - WEB

Bo ta uza e èrko na kas pa bo biba den un kas fresku, pero na fin di luna bo ta spanta di e faktura. Bo ta rekonosé esaki?

WEB Bonaire ta splika dikon esaki ta pasa. Un èrko normal ta uza mas o menos 270 kWh pa luna. Un fèn? Solamente 17 kWh pa luna. E diferensia aki bo ta sinti’é realmente den bo pòtmòni.

E solushon ta un èrko inverter. Esaki ta kosta un tiki mas ora bo kumpré, pero e ta fria bo espasionan mas rápido i e ta uza menos koriente. E miho parti: bo ta gana e ekstra sèn bèk simplemente atraves di bo faktura mas abou. Un inverter no ta sende i paga kada momentu, na lugá di esei, e ta ahusta su potensia di manera inteligente segun e temperatura den e espasio. Esei ta hasi tur e diferensia.

Uza koriente di manera inteligente ta kuminsá ku tuma e desishonnan korekto. WEB Bonaire ta yudabo ku esaki.