KRALENDIJK – Un èks-trahadó di Selibon no tin derechi riba un relashon laboral fiho òf salario atrasá despues di tres kòntrakt temporal dentro di e proyekto di corona “Brùg pa oportunidat”. Esei Korte den Promé Instansia di Boneiru, Sint-Eustatius i Saba a disidí.
E trahadó a drenta servisio di Selibon na luna di yüli 2021 komo empleado fleksibel den e proyekto “Brùg pa oportunidat”, un inisiativa di Entidat Públiko Boneiru pa krea oportunidat di trabou pa personanan ku a pèrdè nan trabou durante e pandemia di corona. E partisipantenan tabata presta entre otro trabounan di limpiesa i di mantenshon den diferente bario riba e isla.
E trahadó a haña tres kòntrakt sigui di kada biaha seis luna. Segun e a surgi despues outomátikamente un kombenio di trabou pa tempu indefiní. El a indiká ku na kuminsamentu di yanüari 2023 e tabata hasi trabounan ainda pa Selibon i a referí na un kòmbersashon ku e direktor di e empresa di e tempu ei durante un enkuentro pa kasualidat den un supermerkado. Einan lo a bis’é ku tabatin basta trabou disponibel ainda.
Wes no tabata di akuerdo ku esaki. Segun korte e trahadó mester a komprondé ku su último dia di trabou tabata 31 di dezèmber 2022. Esei tabata eksplísitamente pará den su último kombenio di trabou i tambe den un deklarashon ku el a firma poko antes ku e proyekto a finalisá.
Banda di esei wes a mustra ku a ofresé solamente un parti di e partisipantenan den e proyekto finalmente un kòntrakt fiho. A ofresé trahadónan ku no a selekshoná, un trayekto di re-integrashon pa haña trabou otro kaminda. E trahadó den e kaso aki tambe a partisipá na e trayekto ei.
Segun korte e trahadó no por a mara e nifikashon na e kòmbersashon den supermerkado ku a ofresé ku esaki un kòntrakt di trabou nobo. Mester a mira e remarke di e direktor mas bien komo un invitashon pa solisitá di nobo.
E echo ku na komienso di yanüari 2023 e trahadó tabata algun dia presente riba tereno di Selibon no ta nifiká segun e wes ku a alargá su kòntrakt silensiosamente. E empresa a argumentá ku motivashon ku e no tabata presta trabounan ofisial mas i finalmente a ekspuls’é for di tereno.
Korte a konkluí ku p’esei no a surgi un di kuater kombenio di trabou i ku pues un servisio fiho no a tuma lugá. A desestimá e demanda salarial di e trahadó.