Aeropuerto di Kòrsou ta ekspandé konsiderablemente: mas espasio, mihó fluho di pasahero

WILLEMSTAD, Kòrsou – Curaçao International Airport (CUR) a kuminsá ofisialmente ku un ekspanshon grandi, ku ta enfokando riba mehorashon di operashonnan pa pasaheronan ku ta sali. E aeropuerto ta keda trata kantidatnan rèkert di pasahero.

E proyekto ta wòrdu guiá dor di Curaçao Airport Partners (CAP) den koperashon estrecho ku Curaçao Airport Holding (CAH) i ta spera di kaba na desèmber 2026. E meta ta pa ekspandé e kapasidat di e terminal, mehoraá e fluho di pasahero i modernisá diferente áreanan operashonal pa biaheronan ku ta sali.

Segun CAP, e ekspanshon ta inkluí skènernan adishonal pa boarding pass, kapasidat adishonal pa kontròl di imigrashon i seguridat, preparashon pa e-Gates den futuro, un pasiyo adishonal pa kontròld di seguridad, un ‘VIP fast-track lane’ i fasilitatnan mehorá pa pasaheronan di tránsito. E aeropuerto kier krea tambe mas espasio den e sala di salida pa akomodá e kantidat kresiente di pasahero.

E trabounan di konstrukshon a kuminsá e siman aki ku seramentu parsial di e Commercial Boulevard. Diferente restorant inkluyendo Cinnabon i Auntie Anne’s, a sera nan lokal duna espasi na e proyekto di ekspanshon. Algun márka ta keda aktivo na e piso di ariba den e sekshon di salida i ta spera di bolbe despues ku konsepto nobo.

Ofisialnan di e aeropuerto a bisa tambe ku e área di check-in i e servisionan prinsipal na aeropuerto lo keda operashonal durante e periodo di konstrukshon i ku tur esfuerso ta wòrdu hasi pa mantené inkombeniensha pa biaheronan na un mínimo.

Estrategia di termino largu

Direkteur di CAP, Ricardo Hernández, a bisa ku e proyekto ta parti di e estrategia di termino largu pa prepará e aeropuerto pa futuro kresementu i na mes momento mehorá e eksperensia general di e biahero. Direktor di CAH, Wilhelmus Ignacio, a deskribí e ekspanshon komo un inversion importante den e konektividat, e sektor di turismo i e desaroyo ekonómiko di Kòrsou.