KRALENDIJK - Públiko ta invitá pa e presentashon di e pelíkula Dubbelspel (Changá) , ku ta eksplorá bida Karibense na Hulanda dor di e lèns di filosofia di dominó i pregunta rondó di identidat, pertenensia i eksperensia bibá.
E pelíkula ta sigui perspektiva di Antia i Hulandes Karibense tokante kon hende ta nabegá ku e “man di karta” ku nan a risibí den bida i ta reflehá rònt di e selekshon, moveshon i signifikado ku ta formá dor di situashon i posibilidat. Inspirá dor di e filosofia di dominó, Changá ta invitá pa reflehá kon hende ta reakshoná na loke nan ta risibí den bida i kon esaki ta forma idea di kas, identidat i pertenensia.
E pelíkula ta presentá kontribushon di artista i kreado ku orígen Karibense, ku dor di músika, poesia i arte visual ta trese reflekshon ku mas kapa rònt di identidat i pertenensia na Hulanda.
Changá ta un inisiativa konektá ku investigashon akadémiko den antropologia públiko rònt di asuntunan di Reino, ku meta di profundisá e komprenshon di eksperensia i perspektiva Karibense-Hulandes. E pelíkula a ser kreá dor di Manpreet Brar, Francio Guadeloupe i Ian Bodo (Big Dawg Productions).
Durashon di pelíkula: 50 minüt. Idiomanan: Hulandes, Ingles i Papiamentu. Suptítulo: Ingles.
Programa di proyekshon
9 di yüni 2026 & 10 di yüni 2026
E presentashonnan ta grátis pero registrashon ta obligatorio pa motibu di kapasidat limitá.
Por registrá na: terramarmuseum@gmail.com