KRALENDIJK – E pelíkula Boneriano Bendishoná tabatin su estreno na Caribbean Cinemas na Sambil Korsou. Públiko Kurasoleño a risibí e produkshon mas nobo di direktor di pelíkula Sendion Balentin ku entusiasmo i ta nifiká un stap nobo pa e pelíkula, ku tin su orígen na Boneiru.
Bendishoná ta skirbí i dirigí pa Balentin i ta trata di un storia kaminda identidat i kultura di konta kuenta ta para sentral. Ku e produkshon e direktor ke mustra kuantu kreatividat i talento tin na Boneiru i sobrá di e área di Karibe.
Tras di kortina diferente talento di Boneiru tambe a koperá ku e pelíkula. Segun Balentin Creations e estreno na Kòrsou ta suprayá e ambishon pa hiba produkshonnan di e islanan riba un nivel mas profeshonal serka un públiko mas grandi.
Te 27 di ougùstùs ainda na Kòrsou
Despues di e estreno Bendishoná ta keda pasa na Kòrsou awor pa tanten. Públiko por wak e pelíkula te ku 27 di ougùstùs na Caribbean Cinemas Sambil Curaçao.
Despues e obra ta bai bèk e isla kaminda e storia tin su orígen. Na Boneiru Bendishoná ta haña na kontinuashon su promé presentashon pa públiko lokal.
Ku esei e pelíkula ta kumpli ku e sírkulo pa awor: di Boneiru pa Kòrsou i despues kas bèk atrobe.