WILLEMSTAD – Aqualectra a kuminsá 9’or di nobo ku deskonekshon di koriente na Kòrsou. E kompania di utilidat tin muchu tiki kapasidat di produkshon: di e 150 megawatt di kapasidat di disel tin 100 so disponibel. Tiki bientu i baterianan bashí ta hasi e situashon èkstra delikado. Sierto bario lo por keda sin koriente vários biaha pa dia. Un interupshon ta dura maksimal tres ora.
E deskonekshonnan nobo ta sigui despues di múltiple interupshon di koriente di último dianan. Neysa Isenia, direktor di Aqualectra, a bisa djaluna anochi kaba ku no por ekskluí deskonekshonnan nobo tanten diferente mashin di produkshon ta for di uso.
Di e mas o ménos 150 megawatt na kapasidat di disel tin aktualmente 100 megawatt disponibel segun Isenia. Riba dianan kalor e demanda di koriente por subi te mas o ménos 140 megawatt. E sobra demanda mester kompensá ku entre otro energia di bientu i bateria, pero netamente e fuentenan ei ta produsí djamars mainta insufisiente kapasidat.